GJERMANI– Mbrëmjen e djeshme ka shpërthyer një zjarr në dy kabina me rrota Ferris në Festivalin Highfield pranë Leipzigut në Gjermani, duke plagosur 30 persona.
Akoma s’është bërë i ditur motivi për shpërthimin e zjarrit. Ndërkohë mediat vendase shkruajnë se të paktën katër persona kanë pësuar djegie të rënda, disa janë plagosur duke u hedhur nga një lartësi e madhe, në tentativë për të lënë rrotën që digjej, ndërsa të shumtë janë ata që kanë pasur probleme me frymëmarrjen.
“Të plagosurit po marrin trajtim dhe janë mirë duke marrë parasysh rrethanat. Ne jemi në koordinim të ngushtë me zjarrfikësit, policinë dhe shërbimet e shpëtimit dhe mjekësore.”- thanë zyrtarët e Highfield Festival në një deklaratë.
Sipas mediave mes të plagosurve janë edhe katër policë.
Këngëtari gjerman Ski Aggu, i cili po luante muzikë kur shpërtheu zjarri, shkroi në Instagram se ishte i “zhgënjyer dhe i tronditur” nga ajo që ndodhi. Një orë pas shpërthimit të zjarrit dhe pasi zjarrfikësja e shoi atë, organizatorët e festivalit njoftuan se rrota e Ferrisit do të mbetej e mbyllur dhe do të rinisnin shfaqjet në skenë.
Following a fire at the Ferris wheel at the Highfield festival at the Stormthaler See lake in Leipzig, Germany, several people were injured pic.twitter.com/xD4M6hmodf
— Adam Kruś (@adam_krus) August 17, 2024