Pasi kanë mbyllur provimet e Maturës Shtetërore, maturantët hyjnë tashmë në fazën e aplikimit në universitet. Sipas kalendarit zyrtar të aplikimeve për pranimin në institucionet e arsimit të lartë, të publikuar këtë të enjte, procesi do të zhvillohet në tre raunde.
Raundi i parë nis fillimisht me pagesën e tarifës së aplikimit më 3 korrik, ndërsa nga 27 korriku deri më 1 gusht, nxenësit do të kenë mundësi të përzgjedhin deri në 10 programe studimi në portalin U-Albania.
Më 22 gusht do të publikohet renditja e aplikantëve, ndërssa kandidatët e shpallur fitues do të kenë kohë nga data 26 gusht deri më 8 shtator për të kryer regjistrimin.
Për kandidatët që nuk sigurojnë një vend në fazën e parë, raundi i dytë nis më 30 gusht me pagesën e tarifës, ndërsa përzgjeedhja e programeve do të kryhen nga 15 deri më 17 shtator.
Ndërkohë, është parashikuar edhe një raund i tretë, i cili u jep një mundësi të fundit kandidatëve. Aplikimet do të jenë të hapura nga 8 deri më 21 tetor.
Me publikimin e këtij kalendari, maturantët hyjnë në fazën e orientimit drejt studimeve universitare, ku përzgjedhja e programeve dhe respektimi i afateve të përcaktuara në këtë calendar do të jenë vendimtare për rrugëtimin e tyre akademik.
Në vend janë të paktën 15 universitete publike dhe mbi 20 private, që do të hapin dyert për maturantët në vitin e ri akademik.