Futbolli shqiptar është në zi pas ndarjes nga jeta të ish-arbitrit ndërkombëtar të FIFA-s, Hiqmet Kuka, një emër i respektuar që la gjurmë në arbitrimin vendas dhe ndërkombëtar.
Lajmi ka tronditur komunitetin sportiv, ndërsa reagimet nuk kanë munguar. Presidenti i Federata Shqiptare e Futbollit, Armand Duka, ka shprehur dhimbjen për humbjen e Kukës, duke vlerësuar lart kontributin e tij në futboll.
Në mesazhin e ngushëllimit, Duka e cilësoi Hiqmet Kukën si një nga figurat më të respektuara të arbitrimit shqiptar, duke theksuar profesionalizmin dhe përkushtimin që e karakterizoi gjatë gjithë karrierës së tij si arbitër ndërkombëtar.
Sipas tij, standardet dhe integriteti që Kuka vendosi në fushën e lojës do të mbeten një model për brezat e rinj të gjyqtarëve.
Në përfundim, kreu i FSHF-së i përcolli ngushëllimet familjes, miqve dhe gjithë komunitetit të arbitrimit, ndërsa theksoi se ndarja e tij nga jeta lë një boshllëk të madh në sportin shqiptar.