TIRANË – Është hedhur dritë mbi zhdukjen e të riut, shtetas australian, që nga tetori i vitit të kaluar në Theth duke shqetësuar dhe alarmuar familjen e tij.
Sot në emisionin “Me Zemër të Hapur” të autores Evis Ahmeti në News24, u trajtua rasti i zhdukjes së një të riu, shtetas australian, që nga tetori i vitit të kaluar në Theth duke shqetësuar dhe alarmuar familjen e tij. Cameron Twiss kishte qëndruar me çiftin Mikel Vuksanaj dhe Irene Gjoni, pronarë të një hoteli në Shkodër.
Kujtojmë se më 11 Tetor, Cameron darkoi me pesë shqiptarë në shtëpinë e Mikel Vuksanajt. Katër të tjerët ishin bashkëshortja e Mikelit, dy nga nipërit e tij dhe një tjetër shqiptar që qëndronte me ta.
NGJARJA
Më 13 tetor, rreth orës 05:30, Mikel Vuksanaj, nipi i tij dhe Cameron u nisën me një grup prej 50 shqiptarësh nga Tirana, drejt majës më të lartë në Shqipëri.
Atë ditë, Cameron shkëmbeu mesazhe zanore me dy miq dhe gjithashtu i dërgoi mesazhe zanore me përmbajtje të ngjashme një shoku tjetër. “”Mendova se do më vrisnin”
Të gjitha mesazhet dhe informacionet rreth zhdukjes së shtetasit australian janë dorëzuar në Policinë e Shkodrës, por familjarët shprehen se autoritetet nuk kanë treguar ndonjë interes.
Të gjitha rrobat, laptopi dhe pasaporta e Cameron mbetën në shtëpinë e Mikel Vuksanajt, ku ai po qëndronte. Janë kryer kërkime intensive, si në terren ashtu edhe me dronë, për të parë nëse ai mund të kishte rënë diku, por pa sukses.
Vëllai i Cameron udhëtoi drejt Shqipërisë dhe u takua me shefat e Policisë në Shkodër dhe Bajram Curri, por ai thotë se ka shumë pak informacion në dispozicion. Lidhja telefonike e Cameron u bllokua disa ditë pas zhdukjes, pas përpjekjeve të pasuksesshme për të hyrë në të./Radar.al