Një denoncim ka mbërritur së fundmi në komisariatin e Lezhës ku një nënë ngriti në këmbë policinë për zhdukjen e vajzës së saj të mitur.
Policia bën me dije se ditën e djeshme, më 25 maj, është paraqitur në Komisariat gruaja me inicialet E. M., banuese në Lezhë, e cila bën me dije se është larguar nga banesa, vajza e saj 16 vjeçe.
“Po punohet për gjetjen e saj. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme”, thuhet në njoftimin zyrtar.
Rrethanat e ngajrjes mbeten të paqarta. Nuk dihet nëse adoleshentja është larguar me dëshirë nga banesa apo bëhet fjalë për një rrëmbim.
Sakaq thuhet se policia po vijon punën për lokalizimin e të miturës, nëpërmjet grumbullimit të informacionit nga dëshmitë e shokëve dhe shoqeve, rrjetit social apo telefonatave të mundshme.