Prej ditës së sotme hapet procesi i regjistrimit të diasporës, për të votuar në zgjedhjet e 11 majit.
Kujtojmë se për herë të parë emigrantët do të japin votën e tyre për një parti politike shqiptare që nga shteti ku punojnë dhe jetojnë.
Mësohet se aplikacioni që do shërbejë për votim gjendet në forma të ndryshme, së pari nga faqja zyrtare e Komisionit të Zgjedhjeve, por është dhe opsioni që të shkarkohet në telefon.
Sa përket regjistrimit duhet thjesht një numër i saktë telefoni adresë e-maili dhe më pas ytë krijohet një passëord që përmban 8 karaktere.
Për ta aktivizuar regjistrimin KQZ, përmes email-it apo numrit të telefonit dërgon një kod 6 shifror për ta aktivizuar.
Vlen për tu theksuar fakti që aplikanti të ketë telefon me kamera sepse është e nevojshme regjistrimi i fytyrës dhe kjo është pjesë e procesit.
Pasi të ketë mbarur regjistrimi aplikoni del për tu regjistruar përsëri, pas skanimit të pasaportës apo kartës së identitetit e dokumentet e tjera, autoritetet kanë kohë 3 ditë për të kthyer përgjigje nëse është e vlefshme.
Në momentin kur regjistrimi vlerësohet i suksesshëm ai hiqet nga lista e zgjedhësve dhe e përfshin në listën finale, në atë që do të quhet lista e votuesve të diasporës.
Emigrantët që duan të marrin pjesë në zgjedhjet e pranverës kanë afat për tu regjistruar në faqen online të KQZ-së deri me 4 mars.