Një kristal me përmasa mbresëlënëse është nxjerrë nga nëntoka e Trepçës, duke tërhequr vëmendjen si një nga formacionet më të veçanta mineralogjike të zbuluara së fundmi në kompleksin minerar.
Sipas njoftimit zyrtar, kristali ka lartësi 1.40 metra dhe gjerësi 1.20 metra, duke e renditur ndër zbulimet më të mëdha të këtij lloji në minierë. Nxjerrja e tij u realizua nga minatorët e Horizonti XI – Ndërrimi C, të cilët u vlerësuan për profesionalizmin dhe guximin gjatë punës në thellësi.
“Trepça” thekson se kristali përfaqëson jo vetëm një pasuri natyrore të rrallë, por edhe simbol të traditës shekullore të minatorëve dhe kontributit të tyre në nxjerrjen e resurseve minerare të vendit.
Ky zbulim tregon potencialin e vazhdueshëm mineral të Trepçës dhe përkushtimin e palodhur të minatorëve që çdo ditë zbresin në nëntokë.