DURRËS– Autori i krimit të djeshëm në Shënvlash të Durrësit, 30-vjeçari Esmerald Balla, i cili vrau të atin dhe më pas e hodhi në një pus për të fshehur krimin, ka dëshmuar duke zbuluar detaje të reja nga krimi që tronditi dje opinionin publik.
Djali i viktimës ka rrëfyer para hetuesve se nuk ka qenë qëllimi i tij që të vriste babain, por sipas tij ngjarja ka ndodhur e gjitha aksidentalisht.
“Ne kemi një fermë të vetme të vogël dhe aty punonim të dy me babanë dhe pjesëtaret e tjerë te familjes. Gjerat nga ana ekonomike po shkonin shume mire dhe s’kishim asnjë problem pasi secili bënte detyrat e veta. Unë po ndërtoj një shtëpi te re (pranë asaj qe jetojnë) dhe punimet kishin ecur shume mire. Neve ne shtëpi nga puna disavjeçare kishim një sasi afro 75 mije euro. Ditën e ngjarjes shkova te merrja leket pasi sipërmarrësi i punimeve kërkoi pagesën sepse e kishte mbyllur punën për te cilën kishim rene dakord. Shkova te vendi për te mare parat dhe ta paguaja dhe konstatoj se mungonin 75 mije eurot. I them babait” ku janë paratë”!? “Se di”,- me tha. Kasaforta ishte dëmtuar me mjete te forta. Ishte hapur. Aty nisem te debatonim. Unë te vras me tha dhe mori pistoletën dhe ma drejtoi. Ne një moment iu afrova dhe u kapem me duar. Ne momentin qe u përpoqa t’ia hiqja nga dora pistoletën ajo u shkreh”,- ka thënë në fillim Esmeraldi.
Në vijim të rrëfimit të tij, ai tha se nuk kishte për qëllim ta vriste të atin, por e cilësoi atë si një aksident.
“Kur u shkreh arma dhe pasi pash qe babai ishte qëlluar mu shemb bota pasi nuk doja qe te ndodhte kështu. Me kapi paniku. Nuk dija çfarë te beja. Kisha frike te denoncoja krimin ne polici edhe pse ishte aksident. E mora trupin ne makinë dhe kemi një pus diku 1 mije metra larg shtëpisë. E hodha aty qe ta fshihja. Telefonin ja fika i hoqa kartën dhe e hodha edhe telin ne pus. Mirëpo nuk ndihesha mire. Me kapi ankthi dhe u bëra keq. Shkova ne spitalin e Durrësit për vizite. Mjeket me dhanë ca ilaçe. Pas nja dy ditësh e denoncova babanë te zhdukur ne polici. Tash ne polici se babai kishte mare leket dhe ishte zhdukur me një femër tjetër. Lajmërova edhe vëllezërit. Iu thash qe babai ka ikur nga shtëpia. Kështu vazhdoi për disa dite deri ne momentin qe ju e zbuluat ngjarjen. Më vjen shumë keq nuk doja të shkonte kështu.”- është shprehur Esmeraldi.