Këngëtari i njohur Yll Limani është përballur me një incident të pakëndshëm gjatë pushimeve të tij në Spanjë, ku dyshohet se ka rënë pre e një vjedhjeje.
Dyshimet u ngritën pasi artisti publikoi një video në TikTok, ku shfaqej duke shijuar kohën në një barkë, ndërsa në përshkrimin e saj pyeste me ironi se kujt i ishin vjedhur telefoni, portofoli dhe të gjitha sendet personale pikërisht në Spanjë.
Postimi ngjalli reagime të shumta nga ndjekësit, të cilët fillimisht nuk ishin të sigurt nëse bëhej fjalë për një shaka apo për një ngjarje reale.
Sipas Prive by Liberta Spahiu, burime pranë këngëtarit kanë konfirmuar se vjedhja ka ndodhur vërtet. Mësohet se Limani ka humbur telefonin, portofolin dhe sende të tjera me vlerë gjatë qëndrimit të tij në Spanjë.
Pavarësisht incidentit, artisti ka zgjedhur ta ndajë situatën me ndjekësit me humor dhe pa dramatizuar ngjarjen.
Burimet bëjnë të ditur se Yll Limani është në gjendje të mirë shëndetësore dhe po vazhdon pushimet e tij.
@ylllimanii kujt ja kane vjedh telefonat e kuletat e kejt senet n’Spanje, kuuuuuujt? 😍😍😍
♬ audio originale – cutie_eeditx