Këngëtarja Xhensila Myrtezaj ka zgjuar sërish vëmendjen e ndjekësve me urimin që i bëri reperit Ledri Vula për ditëlindje. Në një video të publikuar në Instagram, dyshja shfaqen mjaft të afërt, ndërsa Xhensila e shoqëron postimin me urimin: “Urime ditëlindjen”, të pasuar nga një emoji kurorë mbretërore.
Ky gjest publik ka rindezur spekulimet për një marrëdhënie më të ngushtë mes dy artistëve, të cilët u përfolën për një romancë pas publikimit të këngës së tyre të përbashkët “Ma kthe”, rreth dy muaj më parë.
Klipi i këtij bashkëpunimi u komentua gjerësisht për kiminë që reflektonin ata në ekran, ndërsa paraqitjet e tyre të fundit në rrjete sociale kanë shtuar aludimet mbi një lidhje të mundshme.
As Xhensila dhe as Ledri nuk kanë dhënë deklarata të drejtpërdrejta mbi këto zëra, por postimet e tyre vazhdojnë të ngjallin interes në publik.