Detaje të reja kanë dalë në pah në lidhje me vrasjen e rëndnë të ndodhur së fundmi në Itali ku një 22-vjeçare shqiptare, Ilaria Sula u mësua se është vrarë nga ish-partneri i saj, Marc Samson.
Ditën e sotme sipas mediave italiane mësohet se kanë nisur hetimet ndaj prindërve të Marc Samson të cilët ndodheshin në shtëpi në momentin e rëndë kur ndodhi ngjarja.
Për rrjedhojë thuhet se hetuesit po punojnë për të konstatuar nëse në këtë ngjarje ekziston mundësia që të kenë qenë përfshirë në fshehjen e trupit të vajzës, babai dhe nëna e 23-vjeçarit.
Kujtojmë se një kamera sigurie ka filmuar makinën e Samson, rreth orës 18:00 të datës 26 mars, në zonën e Polit, ku ky i fundit zhduku trupin e vajzës, të mbyllur në një valixhe, duke e hedhur nga lartësia e një shkëmb.