Detaje të reja kanë dalë në pah në lidhe me atentatet që tronditën Lezhën e Tiranën.
Burimet bëjnë me dije se në lidhje me atentatin që i mori jetën babait të Roan Brahimit në Lezhë, forcat speciale vijojnë me kontrolle në disa banesa në Fushë-Kuqe në Kurbin, e konsideruar si zona e Ervis Martinaj, bosi i lojërave të fatit që rezulton i zhdukur që prej vitit 2022.
Burime për Report.Tv bëjnë me dije se kontrolle janë ushtruar edhe në Mirditë në fisin Reçi.
Të njëjtat burime thonë se forcat speciale shkuan në banesën e Ardian Gjeloshit, i cili i shpëtoi një atentati.
Deri më tani ende nuk ka informacione nëse këto kontrolle janë gjetur prova që mund t’i vlejnë hetimit, apo nëse ka persona të shoqëruar.