RINAS– Një kohë që ende s’janë bërë 24 orë nga ngjarja e rëndë që tronditi një ditë më parë Rinasin dhe gjithë Tiranës, në vendngjarje ndodhen ende gëzhoja plumbash në tokë.
Viktima Gilmando Dani, mik dhe krahu i djathë i Emiljano Shullazit, dhe i plagosuri, efektivi i Agjencisës së Mbikëqyrjes Policore, Muçi Shaljani alias Sheqeri, kanë udhëtua nga Barcelona ditën e djeshme 11 Nëntor 2025, para se ndaj tyre të qëlloj me breshëri plumbash me katër armë nga 3 qitës.
Fluturimi ishte planifikuar në orët e para të mëngjesit, por mësohet se linja ajrore kishte shtyrë udhëtimin për në drekë.
Makina “Toyota” ka pritur ekzaktësisht 10 minuta në rrethrrotullimin pranë aeroportit kur ndodhi atentati.
E gjithë zona, në momentin e ardhjes së makinës nga Nikla deri në Rinas, dhe më pas kur u largua në të njëjtin drejtim, ka qenë pa energji elektrike, raporton gazetarja Xhensila Kodra.
Kjo ka ngritur dyshime të forta tek hetuesit pas për shkak të mungesës së energjisë asnjë kamera nuk e ka fiksuar lëvizjet e mjetit ku ndodheshin autorët./Radar.al