Detaje të reja janë zbardhur nga ngjarja e rëndë e ndodhur në Fushë-Krujë, ku një konflikt familjar përfundoi me vrasje me armë zjarri.
Sipas të dhënave, është identifikuar autori i dyshuar si shtetasi Eduart Aftataj, ndërsa viktima është shtetasi Artur Çangu.
Ngjarja dyshohet se ka ndodhur pas një konflikti që kishte nisur disa ditë më parë mes palëve dhe që ka agravuar deri në përdorimin e armës së zjarrit.
Pas krimit, autori i dyshuar është larguar nga vendngjarja dhe aktualisht ndodhet në kërkim nga Policia e Shtetit. Forcat e rendit kanë ngritur pika kontrolli dhe po vijojnë operacionet për kapjen e tij.
Menjëherë pas ngjarjes, autori dyshohet se ka kontaktuar policinë duke deklaruar: “Kam vrarë kunatin, hajdeni merreni”, ndërsa më pas është zhdukur.
Grupi hetimor ndodhet në terren dhe po punon për zbardhjen e plotë të rrethanave dhe dokumentimin ligjor të ngjarjes, ndërsa pritet një njoftim zyrtar për motivin dhe dinamikën përfundimtare të krimit.
Krujë/Informacion paraprak
Rreth orës 18:15, në fshatin Vrion, Nikël, dyshohet se shtetasi E. A, gjatë një konflikti për motive të dobëta ka vrarë me armë shtetasin A. C.
Shërbimet e Policisë vijojnë kontrollet për kapjen e autorit të dyshuar shtetasit E. A.
Grupi hetimor ndodhet në vendngjarje dhe punon për sqarimin e plotë e rrethanave të rastit dhe dokumentimin e plotë ligjor të tij.