Në qarkun e Tiranës, ku Partia Socialiste ka fituar 19 mandate, përqendrimi i vëmendjes po bie tek gara brenda listës së hapur, ku 7 mandate do të zgjidhen përmes preferencës së votuesve. Nga këto, 2 mandate duhet të jenë për gra, sipas kuotës gjinore që përcakton Kodi Zgjedhor.
Pas numërimit të 913 kutive nga 1282 në total, pesë zonja të PS-së po luftojnë për dy vende në Parlament:
Anila Denaj duket më e favorizuara me 7468 vota. Në vendin e dytë po ngjitet fuqishëm Blerina Gjylameti, me 5351 vota, duke kaluar për 82 vota Olta Xhaçkën.
Në garë janë edhe Kejsi Elezi, e cila ka marrë numrin më të madh të votave në Kavajë, dhe Etilda Gjonaj, megjithëse me më pak vota deri tani.
Kjo betejë e brendshme në PS po zhvillohet në një moment kur partitë kryesore përqendrohen në sigurimin e mandateve në qytetin më të madh, duke bërë çdo votë të vlefshme për rezultatin final të zgjedhjeve parlamentare 2025.