Vijojnë rastet e infektimeve me virusin e Nilit në Greqi. Gjatë javës së kaluar janë raportuar 12 raste të reja si edhe 3 vdekje.
Janë regjistruar edhe katër raste të importuara të infeksionit në pacientë të ekspozuar në vende të tjera të huaja.
Që nga fillimi i periudhës 2024, deri më sot, janë diagnostikuar dhe hetuar gjithsej 192 raste vendase të infeksionit me virusin e Nilit Perëndimor në Greqi, nga të cilat 143 raste kanë pasur manifestime të sistemit nervor qendror (SNQ, encefalit dhe/ose meningjiti dhe/ose paraliza akute flakcide) dhe 49 raste kishin manifestime të lehta/pa manifestime të SNQ.
Gjithashtu janë regjistruar gjithsej 30 vdekje në pacientët me infeksion viral të moshës mbi 60 vjeç.