DURRËS
Policia e Durrësit ka arrestuar një 35-vjeçar, i cili dyshohet se ka kryer një sërë vjedhjesh të kabujve elektrikë të ndriçimit të rrugëve në disa zona të qytetit.
Shtetasi i identifikuar si A. V., banues në Durrës, u kap si pjesë e operacionit policor të koduar “Light”, i cili ka vijuar hetimet për disa vjedhje të ngjashme.
Veprimet hetimore tregojnë se ky individ mund të ketë kryer vjedhje të kabujve elektrikë gjatë një periudhe kohore në territorin e Drejtorisë Vendore të Policisë Durrës.
Pas arrestimit, hetimet po vazhdojnë për të dokumentuar plotësisht veprat kriminale dhe për të zbuluar nëse ky person ka qenë i përfshirë në vjedhje të tjera.
Materialet procedurale u kaluan Prokurorisë pranë Gjykatës së Shkallës së Parë të Durrësit për vazhdimin e veprimeve ligjore. Policia apelon për vazhdimin e bashkëpunimit me qytetarët në luftën kundër krimeve të pasurisë dhe shkatërrimit të infrastrukturës publike.
Radar.al