TIRANË– Ditën e sotme Prokurorja e Tiranës, Ornela Rrumbullaku është shkarkuar nga Komisioni i Pavarur i Kualifikimit.
Mësohet se vendimi për Rrumbullakun u mor nga trupa e KPK e kryesuar nga Pamela Qirko, me relatore Alma Faskajn dhe anëtare Xhensila Pinen.
Pas këtij vendimi është parë që Prokurorja të përlotej në përfundim të seancës në KPK.
Ndërkohë një vendim i njëjtë u mor edhe për për prokurorin Dashnor Nure.
Bëhet me dije se në KPK, presin për t’ju nënshtruar rivlersimit edhe 20 gjyqtarë e prokurorë. Ndërkohë që mandati i vettingut të shkallës së parë përfundon më dhjetor 2024.
Gjatë seancës dëgjimore të hënën, Rrumbullaku dha shpjegime për bilancet negative në vlera të mëdha të konstatuara në burimin e krijimit të aksioneve të bashkëshortit në disa shoqëri private.
Ajo i kundërshtoi gjetjet e KPK-së, duke pretenduar se bashkëshorti nuk i kishte investuar ato para, por ishte dakordësuar me ortakët që të kontribuonte me konsulencë juridike.
