Këshilli i Ministrave miratoi në mbledhjen e sotme fonde shtesë për përballimin e shpenzimeve të organizimit të takimit të nivelit të lartë të Komunitetit Politik Evropian në Tiranë më 16 maj të këtij viti.
Kështu, Ministrisë së Brendshme dhe Drejtorisë së Shërbimeve Qeveritare i janë shtuar fonde në buxhetin e miratuar për vitin 2025.
Ministrisë së Brendshme i shtohet fondi prej 92.8 milionë lekësh i ndarë në dy zëra. Policia e Shtetit merr 44.1 milionë lekë dhe Garda e Republikës 48.6 milionë lekë.
Ndërsa Drejtorisë së Shërbimeve Qeveritare i shtohet fondi prej 360 milionë lekë.
Vendimi i qeverisë përcakton se efekti financiar prej 452.8 milionë lekësh përballohet nga fondi rezervë i buxhetit të shtetit, miratuar për vitin 2025.
Ngarkohen Ministria e Financave, Ministria e Brendshme dhe Drejtoria e Shërbimeve Qeveritare për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.