Prokuroria italiane po kryen hetime për vdekjen e 7 vjeçares shqiptare Anisa Murati, e cila humbi jetën pasi u mbyt në liqenin Caraglio, në një kamp veror.
Prokurorja Alessia Rosati është duke kryer hetime mbi vdekjen e 7 vjeçares, sidomos pas drejtësisë që kërkuan familjarët e vogëlushes. Nën hetim nga prokurorja është Famullitari i Demontes, Don Fabrizio Della Bella dhe një prej animatorëve.
Personat nën hetim dyshohen për veprën penale ‘vrasje nga pakujdesia’.
Struktura verore Bioparki është nën sekuestrim dhe nesër më datë 1 gusht do të ketë hetime të mëtejshme me teknikët e Spresal dhe zjarrfikësit.
Kujtojmë se Anisa Murati, vogëlushja shqiptare 7 vjeçare që jetonte në Itali, humbi jetën dy javë më parë pasi u mbyt në liqenin Caraglio në provincën e Cuneos. E mitura ishte në një kamp veror me fëmijë të tjerë si dhe me dy animatorë.