Presidenti amerikan Donald Trump dhe homologu i tij ukrainas Volodymyr Zelensky do të marrin pjesë në funeralin e Papa Françeskut në Vatikan, por nuk do të ulen pranë njëri-tjetrit, për shkak të rregullave të rrepta protokollare të vendosura nga Selia e Shenjtë.
Sipas raportimeve të “The Sun”, Trump pritet të ulet në rreshtin e tretë, larg liderëve të kishës dhe familjeve mbretërore, ndërsa ulëset për delegacionet e huaja do të ndahen sipas rendit alfabetik në gjuhën frënge, çka vendos Shtetet e Bashkuara mes Etiopisë dhe Eswatinit.
Pjesë e ceremonisë do të jenë gjithashtu presidenti francez Macron, kryeministri britanik Keir Starmer, princ William, si dhe dhjetëra liderë botërorë, mes të cilëve edhe Melania Trump.
Funerali i Papa Françeskut do të zhvillohet në Bazilikën e Shën Pjetrit, nën masa ekstreme sigurie, me mbi 8 000 forca të angazhuara, avionë luftarakë, teknologji anti-dron dhe snajperë të vendosur në çatitë përreth.
Papa Françesku, i cili ndërroi jetë në moshën 88-vjeçare, do të varroset jashtë mureve të Vatikanit – një precedent që nuk është ndodhur në më shumë se një shekull.