Zyra e shtypit e Vatikanit së fundmi ka dhënë informacione rreth gjendjes shëndetësore të Papës.
Kështu mësohet se shëndeti i Papa Françeskut është drejt përmirësimit veçanërisht në drejtim të frymëmarrjes dhe ecjes.
Por megjithatë thuhet se ai nuk do të largohet menjëherë nga poliklinika Agostino Gemelli në Romë.
Më tej thuhet se Papa Françesku bëri ushtrime fizioterapie, u lut, pushoi dhe u mor me çështjet e kishës katolike.
Ndërsa sa i përket fotografisë së Papës që Selia e Shenjtë u dërgoi dje gazetarëve, shtypi italian bën me dije se ënjtja e vërejtur në dorën e djathtë të papës mund të jetë për shkak të një serumi përmes të cilit këto ditë po i jepet mjekimi.