Mbrëmjen e djeshme përfundoi rrugëtimin e saj në “BBVA4”. Ndërsa ditën e sotme në një intervistë për “Shqipëria Live”, Valbona Mhilli pohoi se ka patur ndenja për Laert Vasilin.
“Ka qenë Laerti i pari që ka bërë hapat dhe më pas e gjithë gjëja rrodhi dhe u gjendëm përballë njëri-tjetrit. Më pas, vazhdoi si lojë. Por, avancoi, shkoi përtej lojës”, u shpreh gazetarja.
Sipas saj, ishte Laerti ai që i kërkoi të shkëmbenin puthje në një pjesë të shtëpisë, me pretendimin se nuk e kapnin kamerat.
Ndërsa më tej Valbona thekson se në momentin kur Laerti e kuptoi se banorja ka krijuar ndjenja ndaj tij, ky I fundit e ka shfrytëzuar atë për lojë.
Valbona: Nuk kam gënjyer në asnjë moment në shtëpinë e ‘Big Brother’. Më ka ftuar që të më puthte në një hapësirë, që besonte se nuk ka kamera. I thashë jo. Unë kam pasur ndjenja të sinqerta për Laertin dhe shumë të pastra. Duke e ditur ai këtë gjë, ka luajtur. Nuk mund të them që kam qenë marrëzisht e dashuruar, ishte një tërheqje, ishte një tërheqje që kishte nisur mes nesh. Prandaj them që zhgënjimi më i madh në BBV për mua ishte Laert Vasili.