Gjatë muajit maj, shtresa e akullit në Groenlandë është shkrirë 17 herë më shpejt se mesatarja afatgjatë, si pasojë e një vale të pazakontë të nxehtit, njoftoi Rrjeti Shkencor World Weather Attribution (WWA).
Sipas WWA, temperaturat në Islandë arritën mbi 13°C më shumë se maksimumet mesatare të majit në periudhën 1991–2020. 84% e stacioneve meteorologjike regjistruan temperatura rekord.
Në Groenlandën Lindore, dita më e nxehtë e majit ishte 3.9°C më e ngrohtë se temperaturat në klimën para-industriale – një ndryshim i paprecedentë që, sipas shkencëtarëve, ndodh vetëm një herë në 100 vjet.
Vala e të nxehtit në rajone të zakonisht të ftohta si Groenlanda dhe Islanda përbën një rrezik të veçantë, pasi ndryshimet ekstreme ndikojnë ndjeshëm në ekosistemet dhe rrisin nivelin e detit në shkallë globale.