Hapja e Unazës së Madhe në Tiranë nuk e ka zhbllokuar aspak trafikun siç pritej.
Edhe sot, 6 janar, kur kanë nisur aktivitetin të gjithë njerëzit, në punë e shkolla, kishte një radhë kilometrike të automjeteve nga aeroporti i Rinasit drejt kryeqytetit, madje duhet të presësh minimumi 30 minuta në radhë nga Rinasi deri te mbikalimi i Kasharit, raporton Report tv.
Aktualisht, më e rëndë situata paraqitet pranë Liqenit Artificial, në zonën e Astirit si dhe në aksin nga Vora deri te mbikalimi i Kasharit.
Radha kilometrike është formuar nga dalja e Unazës së Madhe te sheshi “Shqiponja” deri në drejtim të aeroportit të Rinasit.
Unaza e Madhe e Tiranës e cila u hap më 30 dhjetor të 2024 ka një gjatësi totale 28.7 kilometra. Shpejtësia e projektuar e lëvizjes është 90 km në orë.