RUSI– Ukraina ka sulmuar orët e fundit Kruskun e Rusisë ku raportohet se ka vrarë zëvendës kreun e marinës ruse si dhe 10 ushtarë.
Bëhet me dije se nga sulmi të vdekur kanë mbetur gjeneralmajori Mikhail Gudkov, zëvendës-kreu i Marinës Ruse dhe komandant i një brigade luftarake kundër Ukrainës.
Ai u vra së bashku me 10 ushtarë të tjerë gjatë një goditjeje ndaj një qendre komanduese, sipas raporteve nga burime ushtarake jozyrtare në Telegram. Kjo ngjarje ndodh ndërsa Ukraina ka paralajmëruar SHBA-në për pasojat e vonesave në furnizimet ushtarake, duke thënë se kjo do të favorizojë Rusinë.
SHBA-të kanë pezulluar dërgesat e raketave Patriot dhe artilerisë me precizion për shkak të mungesave të brendshme, por mbajnë opsione alternative për mbështetjen e Kievin. Ndërkohë, forcat ruse po avancojnë deri në 7 kilometra brenda rajonit verior të Sumy dhe luftimet më të ashpra vazhdojnë në Donetsk. Rusia synon të marrë nën kontroll të plotë rajonet e Donetskut dhe Luhanskut, duke intensifikuar konfliktin në Ukrainë. Situata mbetet kritike, ndërsa lufta vazhdon të shkaktojë tensione dhe përplasje të forta në terren./Radar.al