ITALI– Një 14-vjeçare italiane, Martina Carbonaro, e cila ishte zhdukur prej dy ditësh në Afragola, në zonën e Napolit, është gjetur e vdekur.
Mediat italiane raportojnë se trupi i adoleshentes u gjet nga karabinierët pak larg shtëpisë së të miturës, në një ndërtesë të rrënuar pranë ish-stadiumit “Moccia”. Ndërkohë thuhet se viktima ishte fshehur nga vrasësi nën një dyshek.
Si autor i krimit u arrestua ish-i dashuri 18-vjeçar, Alessio Tucci, i akuzuar për vrasje të rëndë dhe fshehje të një kufome. Gjatë marrjes në pyetje, ai rrëfeu se kishte vrarë Martinën dhe më pas kishte fshehur trupin e saj.
Bëhet me dije se 18-vjeçari i ka shkaktuar vdekjen duke e goditur në kokë disa herë me një gur. Motivi i krimit dyshohet se ishte ndarja e tyre. 14-vjeçarja e kishte dhënë fund marrëdhënies disa ditë para vrasjes dhe ai nuk mund ta pranonte ndarjen.
Kanë qenë pamjet filmike në kamerat e zonës që ndihmuan në zbardhjen e ngjarjes, ku u rindërtuan lëvizjet e fundit të viktimës dhe u identifikua autori.
Krimi besohet se ka ndodhur në afërsi ose brenda ndërtesës ku u gjet trupi. Martina raportohet se nuk donte të rikthehej me ish të dashurin, por do të kishte pranuar të takohej me ish-të dashurin e saj në të njëjtin vend ku takoheshin zakonisht kur ishin bashkë. Në kulmin e një debati, ai dyshohet se e goditi vajzën me gur dhe e vrau. Pas lajmit për vdekjen e vajzës së saj, nëna e 14-vjeçares shkroi në rrjetet sociale: Kushdo që të ka lënduar do të paguajë.
Ajo kishte raportuar zhdukjen e vajzës së saj mbërmjen midis 27 dhe 28 majit, duke i shpjeguar policisë se Martina i kishte shkruar se po dilte nga shtëpia për t’u takuar me një shoqe për akullore.
Pavarësisht se ajo u përpoq ta telefononte dhe lidhja u ndërpre, më vonë raportoi se Martina ishte takuar me ish-të dashurin e saj./Radar.al
“Hap sh*lët dhe marr 50 euro”/ Zbulohet ‘foleja’ e pr*stitucionit të kamufluar si qendër masazhesh
Kush u përfshi në zgjedhje rrezikon të humbasë statusin e nëpunësit civil
“Djali kishte bërë shaka”/ Pla*osja e 15-vjeçarit në Maliq, gjyshi: Të dyja familjet po negociojmë