Një tjetër e pakënaqur nga listat e kandidatëve për deputetë të Partisë Demokratike. Kryetarja e Lidhjes Demokratike të Gruas në Kurbin, Lindita Toma ka dhënë dorëheqjen nga të gjitha funksionet që ka mbajtur në Partinë Demokratike dhe në strukturën e gruas.
Ka qenë vetë Toma që e ka bërë publik vendimin përmes një postimi në rrjetet sociale, ku ka dhënë dhe arsyet e këtij vendimi.
“Çdo fillim ka një fund”, shkruan Toma në hyrje të deklaratës së saj, duke sqaruar se vendimi vjen pas një periudhe reflektimi, duke nënkuptuar zhgënjimin e saj për mospërfshirjen në listat e kandidatëve të PD-së.
“Kam vendosur të dorëhiqem nga çdo pozicion që kam mbajtur deri tani në Partinë Demokratike dhe në Lidhjen Demokratike të Gruas Kurbin”, shkruan Toma, duke falënderuar bashkëpunëtorët dhe strukturat me të cilat ka punuar ndër vite.