ITALI– Një shtetas shqiptar është arrestuar nga policia italaine, pasi akuzohet për posedim të lëndëve narkotike me qëllim trafikimin dhe shitjen e tyre. Bazuar në atë që raportojnë mediat italiane i dyshuari po fshihte në shtëpinë e tij mbi njëqind gramë kokainë dhe tufa me kartëmonedha me vlerë rreth 70,000 euro.
Hetuesit po ruajnë sekretin maksimal në lidhje me kapjen e drogës, pasi është pjesë e një hetimi më të gjerë. Megjithatë, sipas asaj që është rindërtuar, oficerë nga komanda provinciale e Guardia di Finanza (Policisë Financiare) mbërritën në shtëpinë e shqiptarit pasi e kishin mbajtur nën mbikëqyrje për një farë kohe.
Shqiptari është zënë në befasi nga oficerët duke e pasur të pamundur të bënte rezistencë.
Gjithashtu, Guardia di Finanza kontrolloi me kujdes çdo dhomë të shtëpisë, duke kërkuar për drogë dhe para. Qeni nuhati menjëherë substancën narkotike dhe paratë e ruajtura në zona të ndryshme të shtëpisë.
Droga dhe paratë e gatshme, që besohet të jenë të ardhurat e aktivitetit të paligjshëm, u sekuestruan. Shqiptar u dërgua më pas në selinë provinciale në Contra’ San Tomaso dhe pasi u plotësuan dokumentet, u transferua në burgun San Pio X./Radar.al