LONDËR– Dorian Puka, një 28-vjeçar shqiptar i dënuar në Londër ka tërhequr vëmendjen e mediave ndërkombëtare për shkak të veprimeve të tij, të cilat i ka bërë publike në rrjetet sociale.
28-vjeçari nga Lezha, filmoi veten me një Ferrari në Londër, pavarësisht se u deportua dy herë nga Britania e Madhe.
I burgosur dhe deportuar dy herë për vjedhje, shqiptari u kthye fshehurazi në Mbretërinë e Bashkuar dhe postoi një video 90 sekonda të gjatë duke drejtuar makinën 300,000 £ në llogaritë e tij TikTok dhe Instagram. Shiko videon KËTU.
Zyra e Brendshme pranoi se nuk mund të largonte dot Pukën, derisa kërkesa e tij për azil të ishte dëgjuar plotësisht, por paralajmëroi se kriminelët e huaj nuk duhet të kenë “asnjë dyshim” për zbatimin e ligjit.
The Telegraph shkruan se një tjetër kriminel shqiptar, i cili hyri sërish në Britaninë e Madhe pasi u deportua, fitoi të drejtën për të qëndruar në bazë të Konventës Evropiane për të Drejtat e Njeriut..TheTelegraph/Radar.al