Në një intervistë për Log në News 24, gazetari Artan Hoxha komentoi zhvillimet e gjyqit të kryebashkiakut të Tiranës, Erion Veliaj, në Apelin e GJKKO.
Hoxha theksoi se rasti i Veliajt mbetet një nga rastet më të rëndëisishme që ka pasur SPAK. Ndërsa më tej theksoi se kërkesat e SPAK kryesisht nuk refuzohen nga GJKKO.
Sipas tij,Veliaj mund të ishte mbajtur në “arrest shtëpie”, por megjithatë SPAK insistoi që ai të qëndronte në burg për shkak të argumenteve të reja që u paraqitën në Gjykatën e Apelit.
Hoxha theksoi se gjatë procesit u bë e ditur se Veliaj ishte mbajtur nën përgjim, dhe se për SPAK kishte shqetësime që Veliaj mund të helmonte provat, duke sugjeruar që kjo mund të ndodhte përmes kontakteve me njerëz jashtë qelisë.
Artan Hoxha: Rasti Veliaj është rasti më i rëndësishëm që SPAK ka pasur në duar. Kërkesat e SPAK nuk refuzohen nga GJKKO. Kryetari i Bashkisë mund të hetohej dhe në “arrest shtëpie”. Mesa duket, në Gjykatën e Apelit, u sollën disa argumente të reja të SPAK dhe u këmbëngul që të qëndrojë në burg. Aty u mësua që kryetari i Bashkisë ishte mbajtur në përgjim. Unë mendoj se Gjykata e Apelit edhe po ta mbante në arrest shtëpie, do ishte e njëjta gjë.