KLP ka marrë vendimin për pezullimin e Zarkës nga funksioni i drejtuesit të Prokurorisë së Vlorës.
Vendimi i KLP-së erdhi pas arrestimit të Zarkës nga SPAK, i cili akuzohet për ushtrim ndikim të paligjshëm në rreth 8 raste, 4 prej të cilave kishin të bënin me dosjen “Toyota Yaris”.
Në një njoftim për mediat, SPAK deklaroi se nga hetimet rezultoi që shpesh-herë këta persona kishin ndërhyrë dhe ishin korruptuar bashkë me zyrtarë të drejtësisë për çështje hetimore.
Kujtojmë se përveç Zarkës, i cili u vu në pranga, SPAK shpalli në kërkim ish-oficeren e Policisë Gjyqësore pranë Krimeve të Rënda, Eriona Dautaj, avokatin Radovan Çela dhe shtetasin Astrit Vladi.