Miku i këngëtarit të njohur botëror i cili ndërroi jetë në mënyrë tragjike para pak kohësh Liam Payne, Roger Nores pasi u akuzua për braktisjen e këngëtarit të One Direction para vdekjes së tij, ka thyer heshtjen në dokumentarin e TMZ Investigates: “Liam Payne: Kush është fajtori?” dhe ka refuzuar akuzat, duke insistuar se nuk kishte asnjë lidhje me vdekjen tragjike të këngëtarit.
Nores, i cili prej vitit 2020 ishte mik i ngushtë me Payne, pas një takimi në një ngjarje të organizuar nga Vogue në Londër, kujtoi ditën e vdekjes së Liamit, duke thënë se ai ishte “në gjendje shpirtërore të mirë” dhe “i ekuilibruar në mënyrë të përkryer”.
Ai shpjegoi se Liam ishte në humor të mirë, duke folur dhe biseduar me disa amerikanë që ishin në hotel për një martesë dhe duke bërë shaka me ta.
Miku i këngëtarit kujtoi gjithashtu se kishte vizituar Liam tri herë gjatë ditës, duke thënë: “Unë shkova në hotelin e tij tri herë atë ditë dhe u largova 40 minuta para se të ndodhte kjo.”
Përgjatë intervistës, Nores hodhi poshtë akuzat se ai e kishte braktisur Liam-in, duke theksuar se ishte gjithmonë pranë tij dhe nuk kishte ndodhur asgjë e pazakontë gjatë kohës që ata ishin së bashku. Ai shtoi: “Ishin mbi 15 njerëz në hollin e hotelit që bisedonin dhe bënin shaka me të kur u largova.”
LEXO EDHE: