Gjatë ditës së sotme Policia njoftoi se rreth orës 06:30, në aksin Lushnjë-Tiranë automjeti me tre anëtarët e një familje janë përfshirë në një aksident të rëndë.
Si pasojë e aksidentit, u bë me dije se mbeti i plagosur shoferi i mjetit, si dhe dy fëmijët e tij të mitur të cilët u dërguan me urgjencë në spitalin e Lushnjës.
Personi i cili u përfshi në aksident pas hetimeve të kryera rezultoi se është biznesmeni i njohur Kristian Boçi dhe dy fëmijët e tij të mitur.
Mësohet se Boçi ka pësuar fraktura në kokë, ndërkohë fëmijët e tij kanë pësuar dëmtime të lehta.
Fatmirësisht gjendja shëndetësore e të dëmtuarve është mirë dhe jahstë rrezikut për jetën.
Kujtojmë se pak kohë më parë Prokuroria e Tiranës futi në “grackë” biznesmenin e njohur Kristian Boçi, bashkëshorten e tij Drilona Boçi dhe 5 persona të tjerë.
Personat në fjalë bashkërisht dyshohet se gjeneronin para, duke përfituar nga të ardhurat e trafikut të lëndëve narkotike.
Sipas njoftimit të prokurorisë së Tiranës Kristian Boçi rezulton i dënuari për drogë në Belgjikë dhe krijoi një shoqëri tregtare ku pastronte para. Nga hetimet rezulton se Kristian Boçi ka bërë blerje fiktive me vlera jo reale, ndërsa ka marrë kredi të mëdha të pajustifikuara.
Po kush janë Kristian dhe Drilona Boçi?
Drilona Boçi është pronare e një nga atelietë më të njohura në Tiranë. Bëhet fjalë për “Altar”.
Ajo është martuar me Kristianin në moshën 17-vjeçare dhe bashkë kanë dy fëmijë.
Pak vite më parë, ajo ka treguar se bashkëshortin e saj e ka takuar në moshën 16 vjeçare dhe ishte dashuri me shikim të parë. Për shkak të diferencës së moshës, prindërit e Drilonës nuk kanë qenë dakort me lidhjen, por me kohën gjërat ndryshuan. Martesa nuk e ka penguar atë të marrë pjesë në konkurse bukurie dhe të përfundojë studimet për drejtësi.
Nga ana tjetër, Kristian njihet si një personazh dhe biznesmen i njohur, pasi është edhe shumë aktiv në rrjetet sociale, ku ndan momente nga jeta e tij luksoze. Madje ai është edhe një mbështetës i sportistëve të boksit dhe njihet për shoqërinë e ngushtë me aktorin e humorit Bes Kallaku.