Policia e Elbasanit ka finalizuar pas disa javësh hetime me metoda proaktive operacionin e koduar “Shame”, (Turpi) duke zbuluar dy apartamente të përshtatura për prostitucion në qytet.
Në flagrancë u arrestuan:
2 shtetas kinezë, K. Ch. (44 vjeç) dhe R. C. (38 vjeçe), si organizatorë të aktivitetit të paligjshëm;
3 gra nga Kina dhe Brazili, të moshave 23–52 vjeç, të akuzuara për ushtrim prostitucioni;
3 shtetas shqiptarë, të kapur në apartamente gjatë marrëveshjeve për shërbime seksuale kundrejt pagesës.
Hetimet zbuluan se apartamentet ishin marrë me qira dhe ishin përshtatur për veprimtarinë e paligjshme, ndërsa klientët kontaktonin përmes faqeve online ku ofroheshin “shërbime speciale”.
Gjithashtu, dy pronarët e apartamenteve dhe një sanitare 19-vjeçare u proceduan penalisht për “Mbajtja e ambienteve për prostitucion”.
Gjatë aksionit, policia sekuestroi shuma parash në valuta të ndryshme, dokumente personale, vula të dyshuara false dhe 10 celularë. Materialet janë referuar Prokurorisë për hetime të mëtejshme.