Një ngjarje e rëndë ka ndodhur së fundmi pasi një çift turistësh, në tentativë për t’u larguar pa paguar, përfunduan duke u konfliktuar me rojen e një parkingu privat në afërsi të Kalasë së Krujës.
Rrethanat nga ngjarja e rëndë mbeten të paqarta, por dihet se roja i parkingut, në tentativë për t’i bllokuar, u var në kofanon e autoveturës së turistëve.
Në tentativë për t’i penguar turistët, roja përfundoi duke mbetur i plagosur rëndë vetë pasi ata e kanë marrë me vete në kofano rojen për disa dhjetra metra.
Turistët, identiteti i të cilëve akoma nuk është bërë i mundur, janë zhdukur nga vendngjarja.
Policia është angazhuar menjëherë dhe ka ndaluar në qytetin e Fushë-Krujës një autoveturë me turistë turq, por akoam nuk është e qartë nëse ata kanë lidhje me aksidentin.
Ndërsa roja, i plagosuri Bujar Dedja është dërguar me urgjencë tek Trauma dhe thuhet se nuk është në gjendje të japë një dëshmi të plotë.