Ka zgjatur rreth 90 minuta biseda telefonike mes Presidentit të SHBA Donald Trump dhe atij rus Vladimir Putin, por pak detaje janë zbuluar deri tani.
Si Trump ashtu edhe Putin kanë shprehur interesin e tyre të ndërsjellë për normalizimin e marrëdhënieve të tyre në dritën e përgjegjësisë së veçantë për garantimin e sigurisë globale.
Megjithëse në media është raportuar se biseda ka shkuar mirë, as Shtëpia e Bardhë dhe as Kremlini nuk kanë reaguar akoma mbi rezultatin e bisedës.
Vetëm i dërguari special i Putin, Kirill Dmitriev, ka shkruar në rrjetin social X se “bota është bërë një vend shumë më i sigurt sot”, duke dhënë mesazhin e arritjes së një mirëkuptimi me presidentin Putin, për propozimin e Ukrainës për armëpushimin 30-ditor.