Presidenti amerikan Donald Trump deklaroi se operacionet ushtarake kundër Iranit do të vazhdojnë derisa ai të vendosë t’i ndalojë, duke paralajmëruar një përshkallëzim të mëtejshëm nëse Teherani nuk rikthehet në tryezën e negociatave.
Në një intervistë për Fox News, Trump tha se SHBA po godet objektiva iraniane dhe se sulmet “do të vazhdojnë derisa të them unë se mjafton”. Ai shtoi se objektivat energjetike do të lihen për në fazën e fundit të operacioneve.
Trump paralajmëroi gjithashtu se javën e ardhshme mund të goditen termocentralet dhe urat në Iran, nëse autoritetet iraniane nuk pranojnë të negociojnë. Sipas tij, qëllimi është të ushtrohet presion maksimal ndaj Teheranit për të arritur një marrëveshje.