Presidenti amerikan Donald Trump ka reaguar menjëherë pas zgjedhjes së Papës së parë me origjinë amerikane, duke e cilësuar këtë një moment historik dhe emocionues.
“Pres me padurim të takoj Papën Leonin XIV. Do të jetë një moment shumë domethënës! Çfarë nderi i madh! Ishim pak të befasuar, por shumë të lumtur“, u shpreh Trump në një deklaratë publike.
Zgjedhja e Papës amerikan ka nxitur reagime të shumta në arenën ndërkombëtare. Urime të ngrohta kanë ardhur nga Zëvendëspresidenti i SHBA, JD Vance, Presidenti i Ukrainës Volodymyr Zelensky, Kryeministri britanik Kier Starmer, si dhe liderë të tjerë botërorë.
Papa Leoni XIV është pritur me entuziazëm si një figurë që pritet të sjellë një frymë të re në Selinë e Shenjtë, ndërsa pritet me interes takimi i tij i parë me Presidentin amerikan.