Richard Grenell do të japë dorëheqjen nga pozicioni i presidentit të Kennedy Center, një nga qendrat kryesore të artit dhe kulturës në SHBA.
“Nuk po shkarkohem; që në fillim ishte parashikuar të ndihmoja gjatë periudhës së tranzicionit dhe më pas të largohesha”, tha një zyrtar i Shtëpisë së Bardhë.
Largimi i Grenell pritet të shpallet gjatë një takimi të Bordit të Drejtorëve të Trump Kennedy Center të hënën, ku pritet të marrë pjesë edhe presidenti Donald Trump.
Grenell ka drejtuar Qendrën Kennedy si president i përkohshëm që prej shkurtit 2025, një periudhë gjatë së cilës institucioni u përball me polemika, përfshirë anulime shfaqjesh, protesta dhe vështirësi financiare. Mbështetësit e tij vlerësojnë se ai “ishte personi i duhur për të zbatuar vizionin e Trump dhe për të sjellë ndryshime në drejtim”, ndërsa kritikët e konsideruan të papërshtatshëm për fushën e artit dhe kulturës.
Vendimi i largimit lidhet me fazan e re të rikonstruksionit të ndërtesës, e cila do të mbyllet për dy vite duke filluar nga korriku, për një “Kompleks të ri dhe spektakolar argëtimi”, sipas Trump. Kongresi ka miratuar fonde prej 257 milionë dollarësh për rindërtimin, ndërsa sfidat ligjore për të ndaluar mbylljen mbeten të mëdha.