Ish-presidenti amerikan, Donald Trump, foli publikisht për planin e SHBA-së me 28 pika për paqen në Ukrainë, duke thënë se e enjtja e ardhshme është një “afat i përshtatshëm” për vendin që ta pranojë.
“Kam pasur shumë afate, por kur gjërat po shkojnë mirë, ka tendencë t’i zgjatësh. Por e enjtja, menduam se është koha e duhur”, deklaroi Trump.
Ndërkohë, presidenti ukrainas Volodymyr Zelensky ka theksuar se nuk do të tradhtojë interesin kombëtar të vendit të tij, ndërsa po shqyrton planin amerikan. Ai paralajmëroi se java e ardhshme do të jetë shumë e vështirë për Ukrainën, e cila përballet me zgjedhjen midis humbjes së një partneri të madh ose ruajtjes së dinjitetit të saj.
Në një deklaratë video, Zelensky nënvizoi se nuk do të lejojë që Rusia ta akuzojë Ukrainën për prishjen e ndonjë procesi paqeje, ndërsa vendi përballet me një nga momentet më të vështira në historinë e tij.