TIRANË– Kosova sot feston 17-vjetorin e Shpalljes së Pavarësisë, ndërsa urimet për këtë ditë historike s’kanë munguar as nga qeveritarët në Shqipëri.
Mëngjesin e sotëm, Kryeministri Edi Rama, Presidenti Bajram Begaj si dhe Kryetarja e Kuvendit, Elisa Spiropali kanë ururar Kosovën.
Kryeparlamentarja Spiropali e ka përcjellë mesazhin e urimit për Kosovën nga salla e Kuvendit,
“17 vjet më parë, në Kuvendin e Kosovës, në një seancë të jashtëzakonshme, Kryeministri Hashim Thaçi, lexoi deklaratën e Pavarësisë, si aktin suprem që shpallte Kosovën shtet të pavarur dhe sovran. i çast që shënjoi triumfin e ëndrrës së një populli dhe të një kombi të ndarë dhunshëm në dy pjesë, është dita e parë e historisë së një realiteti të ri gjeopolitik në rajon e Evropë, dhe gjithashtu triumf i të drejtës njerëzore për vetëvendosje, i luftës për të drejtat e njeriut dhe i të drejtave të kombeve për ta ndërtuar vetë fatin e tyre”, u shpreh kryeperlamentarja.
Ndërkohë Kryeministri Rama ka uruar shtetin e Kosovës përmes një postimi në Facebook.
“MIRËMËNGJES KOSOVË Gëzuar pavarësinë dhe mbarësi gjithmonë❤️”- shkruan Rama krahas flamurit të Kosovës.
Postimi i PRESIDENTIT BEGAJ:
Urime Ditën e Pavarësisë, Kosovë!
Nderim përjetë mijëra burrave dhe grave që sakrifikuan për lirinë e pavarësinë!
Faleminderit të gjithë miqve e aleatëve tanë që janë krah teje!
Gëzuar!/Radar.al