Një aksident i trefishtë automobilistik është regjistruar në aksin rrugor Shupenzë–Maqellarë, ku janë përplasur tre automjete, njëri prej tyre me targa bullgare.
Sipas informacioneve paraprake, mjeti me targa bullgare po udhëtonte drejt Tiranës dhe transportonte një familje, ndërsa përplasja mes automjeteve ka qenë ballë për ballë. Si pasojë e aksidentit, drejtuesi i një automjeti tip “Audi” ka mbetur i plagosur rëndë dhe është dërguar me urgjencë në spitalin e Bulqizës për trajtim mjekësor.
Në vendngjarje kanë mbërritur shërbimet e Policisë dhe të emergjencës, të cilat po kryejnë veprimet hetimore për të zbardhur shkaqet dhe rrethanat e aksidentit, si dhe për të normalizuar qarkullimin në këtë segment rrugor.