Tre persona u vranë dhe 14 të tjerë u plagosën pas disa të shtënave masive në Las Cruces, Nju Meksiko.
Policia lokale tha se të shtënat ndodhën rreth orës 22:00 të së premtes në Young Park. Ndër të vrarët ishin dy 19-vjeçarë dhe një djalë 16-vjeçar.
Policia ende nuk ka bërë të ditur emrat e të vrarëve dhe të tjerëve të plagosur, por tha se të plagosurit ishin të moshës 16-36 vjeç, shkruan Guardian.
Asnjë arrestim nuk është bërë, por policia po ndjek shumë pista, thanë zyrtarët.
“Oficerët arritën dhe mësuan për viktima të shumta me armë zjarri. Shumica u transportuan në spitalet lokale. Disa u dërguan në Qendrën Mjekësore Universitare të El Pasos”, tha policia.