Një vajzë e vogël i dha fund jetës pasi një person në internet e shantazhonte të dilte topless. Mediat e huaja kanë publikuar historinë e Cimarron Thomas, 12 vjeçe.
Ajo përdori pistoletën e babait të saj për t’u vetëvrarë pasi u shantazhua në internet nga studenti Alexander McCartney.
McCartney është deklaruar fajtor për vrasjen e 12-vjeçares dhe pritet të përballet me burgim të përjetshëm. 18 muaj pasi vajza e re vdiq, babai i saj i pikëlluar Ben, një ish-veteran i ushtrisë amerikane u vetëvra gjithashtu.
Tragjedia e dyfishtë shkatërroi familjen Thomas, e cila jetonte në një qytet të vogël në Virxhinia Perëndimore.
Anëtarët e familjes thanë se babai i saj 40-vjeçar humbi vullnetin për të jetuar pas vdekjes së vajzës së tij dhe ndihej shumë në faj që kishte lënë pistoletën diku ku e bija e mori lehtësisht dhe e përdori.