Një zjarr në azilin e pleqve në Tuzla, në veri të Bosnjë-Hercegovinës, ka shkaktuar vdekjen e 11 personave dhe plagosjen e rreth 30 të tjerëve, disa në gjendje kritike. Ngjarja ndodhi të martën në mbrëmje, kur flakët përfshinë katin e shtatë të ndërtesës nëntëkatëshe.
Shumë prej viktimave kishin aftësi të kufizuara, ndërsa ekipet e emergjencës i shpëtuan banorët duke i transferuar në katet më të ulëta. Identifikimi i viktimave do të nisë më vonë, ndërsa autoritetet po hetojnë shkakun e zjarrit.
Qeveria e Republika Srpska ka ofruar ndihmë për Tuzlën, ndërsa azili njofton se po ndërmerren të gjitha veprimet e nevojshme për të kuptuar rrethanat e kësaj ngjarjeje tragjike.