Një aksident i rëndë në Luksemburg i ka marrë jetën pesë personave, mes tyre edhe tre shtetas të Kosovës. Viktimat janë identifikuar nga familjarët si Edonik Kastrati, Ukë Bajraktaraj dhe Ujkan Bajraktaraj.
Ngjarja ndodhi të dielën rreth orës 17:00, ndërsa lajmi i hidhur u konfirmua nga të afërmit, të cilët shpërndanë edhe fotografitë e tre të ndjerëve.
“Me dhimbje të thellë ju njoftoj se dje rreth orës 17:00 në Luksemburg aksidentalisht humbën jetën tre engjëjt Uka dhe Ujkani, nipat e mi, si dhe djali i tezakut, Edonik Kastrati. Allahu i shpërbleftë me Xhenet”, shkroi një prej familjarëve në rrjete sociale.
Autoritetet luksemburgase nuk kanë bërë ende të ditura detajet e plota mbi rrethanat e aksidentit.