Një ngjarje e rëndë ka tronditur Greqia, ku një foshnjë disa muajshe është gjetur e pajetë në djep nga nëna e saj në periferinë e Heraklionit, në ishullin e Kretës
Sipas raportimeve të mediave lokale, mes tyre CRETA24, ngjarja ndodhi në orët e para të mëngjesit të së shtunës, më 14 mars. Nëna dyshohet se e gjeti foshnjën pa ndjenja në djep dhe menjëherë njoftoi shërbimet e urgjencës.
Ekipet mjekësore mbërritën në vendngjarje dhe e transportuan foshnjën drejt Spitali Universitar të Heraklionit, por pavarësisht përpjekjeve të mjekëve, fëmija nuk arriti të shpëtonte.
Të dhënat e para tregojnë se foshnja ishte në gjendje të mirë shëndetësore, ndërsa autoritetet nuk kanë dhënë ende një shkak zyrtar për vdekjen. Policia ka nisur hetimet dhe priten rezultatet e autopsisë mjeko-ligjore.
Hetuesit po shqyrtojnë disa mundësi, nga shkaqe mjekësore si Sindroma e vdekjes së papritur të foshnjave (SIDS), deri te komplikacione të tjera fiziologjike, një aksident i mundshëm apo faktorë mjedisorë në zonën ku flinte foshnja.
Ngjarja ka shkaktuar tronditje në komunitet, duke rikthyer në vëmendje edhe raste të tjera tragjike të ngjashme që janë regjistruar më herët në Heraklion. Autoritetet pritet të publikojnë më shumë detaje pasi të përfundojnë hetimet dhe ekzaminimet zyrtare.