Gazetari Milaim Zeka zbuloi një atentat të planifikuar ndaj ish-presidentit të Kosovës, Hashim Thaçi, për të cilin, sipas tij, ishte paralajmëruar nga shërbimi amerikan.
Zeka deklaroi se atentati ishte planifikuar nga një pjesëtar i Njësive Speciale të Kosovës, i cili synonte të hidhte një bombë ndaj presidentit.
“Shërbimi amerikan e informoi Thaçin për rrezikun. Në orën tre të mëngjesit i shkuan në shtëpi dhe ia dorëzuan informacionin personalisht,” tha Zeka në emisionin Top Story. Ai shtoi se fraza e përdorur në komunikimin e brendshëm ishte: ‘A do t’i hedhim presidentit një patate të nxehtë?’
Sipas Zekës, kërcënimet ndaj gazetarëve janë të shumta dhe shpesh më serioze se ndaj politikanëve, por ky rast ishte ndër më të rrezikshmit dhe më të dokumentuarit.