Sot, votuesit amerikanë dalin në kutitë e votimit për një seri zgjedhjesh lokale dhe shtetërore, që do të shërbejnë si test i parë elektoral për politikën e ish-presidentit Donald Trump pas zgjedhjeve presidenciale të vitit 2024.
New York – qyteti më i madh i vendit zgjedh një kryetar të ri bashkie, pas tërheqjes nga gara të Eric Adams. Favoriti demokrat është Zohran Mamdani, ndërsa kundërshtarët e tij janë ish-guvernatori Andrew Cuomo, i cili kandidon si i pavarur, dhe republikani Curtis Sliwa.
New Jersey – guvernatori aktual, Phil Murphy, nuk mund të rizgjidhet. Gara është e ngushtë mes demokrates Mikie Sherrill dhe republikanit të mbështetur nga Trumpi, Jack Ciattarelli. Analistët paralajmërojnë një garë “deri në votën e fundit”, pasi shteti historikisht është bastion demokrat, por diferenca pritet të jetë minimale.
Virginia – gara për guvernator zhvillohet midis demokrates Abigail Spanberger dhe republikanes Winsome Earle-Sears, të mbështetur nga Trump. Edhe pse demokratët kanë epërsi sipas sondazheve, historia e vitit 2021 tregon se rezultatet mund të jenë të paparashikueshme.
Ekspertët politikë nënvizojnë se këto zgjedhje janë prova e parë për ndikimin e agjendës dhe populizmit të Trumpit, veçanërisht në shtetet tradicionalisht “blu”.
Përveç garave për guvernatorë dhe kryetarë bashkish, sot do të mbahet edhe një zgjedhje për një vend në Dhomën e Përfaqësuesve në Teksas, ku demokratët pritet të sigurojnë një fitore të sigurt.